Katy Perry發光婚紗搶風頭

紐約大都會博物館服裝學院前晚舉行周年慈善晚宴(Met Gala)，這項紐約時裝界盛事，吸引過百位名人紅星、模特兒及時裝設計師捧場，為配合今年主題「美國女性：時尚之都」，不少女星都出盡法寶。女歌手 Katy Perry更以奇招取勝，一襲婚紗式設計的白色高貴晚裝，加埋騷胸、露腿已經夠搶鏡，點知件衫仲要識得發光，惹來全場嘩然，非常出位！

圖：Getty Images、美聯社
Katy Perry這件「白色婚紗」認真唔嘢小，由手臂到紗裙尾部都鑲滿顏色LED，踏上紅地毯有如亮燈儀式，成功搶鏡，但她笑言其實滋味並不好受。不過，有「口痕友」卻指擔任表演嘉賓的Lady Gaga，因為一早到場準備而缺席行紅地毯，Katy呢鋪才有機會出位。

此外，眾多來自歌影視界女星紛紛到場爭妍鬥麗，計有《愛麗斯夢遊仙境》女星安妮夏菲維、波姬小絲、珍妮花露柏絲、《吸血新世紀》姬絲汀史超域、《色慾都市》莎拉謝茜嘉柏加、里安納度舊愛Gisele Bundchen、《靚太》伊娃朗歌莉亞等。而Justin Timberlake拖女友謝茜嘉比爾到場，用行動粉碎分手傳聞，至於「妙麗」愛瑪華森同樣有睇頭，她更以Burberry時裝設計師 Christopher Bailey做當晚男伴。

來源 : http://www.metrohk.com.hk/index.php?cmd=detail&id=133879